英格蘭對克羅地亞嘅世界盃準決賽，仙道彬賽前真金白銀押注查比亞成為首名入球球員，結果開賽五分鐘就派彩。 35 倍呀大佬。喺呢場波之前，佢喺國家隊未有入波，喺球會級賽事，八個球季嘅罰波入球亦只得四個，認真係禾稈冚珍珠。
根據英國《金融時報》 (你冇睇錯， Ivan Li 李聲揚 - 華麗后台 今屆周不時引用 FT 嘅報道同分析，而你睇返香港嘅《信報》⋯⋯) ，英格蘭今屆賽事平均每場創造嘅機會只係排第七至九左右，當中超過一半來自死球 (其他過五成嘅球隊包括巴拿馬、葡萄牙、俄羅斯同克羅地亞同烏拉圭 ) 。
咁查比亞作為英軍今屆嘅死球專家，平均每 90 分鐘就為球隊創造 0.6 次餐士，當中透過死球嘅製造嘅埋門機會就超過 0.4 ，遠遠拋離其他隊友。今屆世界盃，就只有尼馬同迪布尼排名前過佢。
Search